ကြွက်ဖြူ နဲ့ ပူး

ဒီပို့စ်က မမိုးချိူရဲ့ ကျားနဲ့ဆင် ကို အားကျလို့ရေးတယ်ဆိုတာ ၀န်ခံပါတယ်။ ရဲရဲကြီး ၀န်ခံပါတယ်။  ၀န်ခံရင် ပြစ်မှူမမြောက်ဘူးမို့လား -:-))))))  ....။

နေ့တွေထဲမှာ ဘာကြောင့်မှန်းမသိ၊ ဗုဒ္ဒဟူး ကိုကြိုက်နေတာ။ အမေ့ ဗိုက်ထဲထဲမှာ အအိပ်လွန်ပြီး တစ်ရက် အိုဗာစတေး ဖြစ်သွားတယ် ထင်ပါရဲ့။   ကိုယ့်မွေးနေ့ကို ကိုယ်ကိုယ်တိုင် ရွေးချယ်ခွင့်မရှိတော့လည်း ကိုယ့်အဖေါ်ကျရင် ဆင်ကလေး  ဖြစ်နိုးနိုးပေါ့နော်။  ဒါလည်း ခက်ခဲတဲ့ တိုက်ဆိုင်မှူတစ်ခု မို့ ဖြစ်မလာခဲ့ပါဘူး။ တကယ်တန်းကျတော့  ကိုယ်က ”ကြွက်” သူက ”ပူး” ဖြစ်နေတယ်လေ...။

ကြွက်ဆိုတဲ့ နံမည်  ကြားရုံနဲ့တင် ကျွန်မအပါအ၀င် လူတိုင်း နှာခေါင်းရှူံ့ကြပါတယ်။ မှောင်မိုက် ညစ်ပတ် နံစော် နေတဲ့ ပါတ်ဝန်းကျင်မှာ ပေါက်ပွား ။ မွေးကာစက နီတာရဲ ၊ ကြီးလာတော့ အရောင်က ပြာမွဲမွဲ။ အသံကိုက မုန်းစရာ တကျွီကျွီ။ ပုလိပ်ရောဂါလို ရောဂါဆိုးတွေရော အသေးအမွှားရောဂါတွေရော သယ်ဆောင်သူ။  အိမ်တွင်း မီးဖိုချောင်မှာလည်း အိုးလှန်ခွက်လှန် ပါးဖြဲနားဖြဲ စားတတ်သူ။  အံမယ်မင်း - ဆိုးတာတွေ စာဖွဲ့မကုန်၊ ကိုယ်ပေါင် ကိုယ်လှန်ထောင်းထားတာလေ (သူများထောင်းရင် ပိုနာမှာ ....)

ကြွက်တွေက  ၀ါးသီးစားပြီးရင် အရမ်းကြီးထွားကြတာတဲ့..။ ၀ါးပင်တွေက နှစ်ငါးဆယ်မှာ တစ်ခါသီးပြီး သေသွားတာလေ...။ ၀ါးသီးစားပြီးရင် ကြွက်တွေ အကောင်တွေ ထွားလာသလို မျိူးပွားနှုန်းတွေက အရမ်းမြန်ဆန်လာတယ်။  သီးနှံခင်းတွေထဲကို အုပ်လိုက်ဝင်ပြီးဖျက်ဆီးကြတယ်။  လွန်ခဲ့တဲ့ သုံးနှစ်ကနေ အခုထိ ချင်းပြည်နယ်မှာ ကြွက်ဒဏ် ခံနေရတုန်း။

ဒါပေမဲ့ ဘက်လိုက်တယ်ပဲပြောပြော ချစ်စရာကောင်းတဲ့ ကြွက်ကလေးတွေအကြောင်း အယူခံဝင်ပါရစေဦးနော်...။ ဟိုးရှေးရှေးက ပုံပြင်ထဲမှာဆို ကြွက်ကလေးက သူ့မိတ်ဆွေ ခြင်္သေ့ (ထင်ရဲ့) ထောင်ခြောက်မိနေတာကို သွားထက်ထက်နဲ့ တစ်ညလုံး ကိုက်ဖြတ်ကူညီပေးခဲ့တာလေ။  ( ဒါကြောင့် ကြွက်နေ့ဘွားတွေ ကူညီတတ်တာနေမှာ -ဟိ)

ဒစ္စနေကာတွန်းထဲက မစ်ကီမောက်စ်လေးကလည်း ကလေးတို့ အသည်းကျော် မဟုတ်လား။

ကြွက်ဖြူလေးတွေဆိုရင်လည်း ယုန်လေးတွေလိုဘဲ ဆေးပညာတိုးတက်ဖို့အတွက် သူတို့ အသက်ကို ခန္ဒာကိုယ်ကို  ပေးဆပ်နေ အသုံးချခံနေရတာလေ...။ လူတွေပျော်ဖို့ လှောင်ချိူင့်စံပေးရတဲ့ Pet အိမ်မွေးသတ္တ၀ါလေးတွေလည်း ဖြစ်တယ်လေ။ ဒါကြောင့် ကိုယ်က ကြွက်ဖြစ်မဲ့အတူတူ ကြွက်ဖြူကိုပဲ ရွေးလိုက်တာပေါ့...။

ကဲ- ကြွက်ဋီကာ (သတ်ပုံ ပြင်ပေးသွားတဲ့ ကိုလူထွေးကို ကျေးဇူးပါ :) ) နားထားပြီး ပူးလေးတွေ အကြောင်းပြောရအောင်။

အရောင်အသွေးစုံတဲ့ ပူးလေးတွေကလည်း ၁၇ရာစုကစပြီး အိမ်မှာအမွေးခံရတဲ့   Pet လေးတွေ ပါပဲ။ သူတို့ကိုလည်း အရင်က ဆေးပညာအတွက် စမ်းသပ်ခွဲစိတ်ကြတယ်လေ။  လူရဲ့ ခန္ဒာဗေဒကို အစားထိုးတဲ့အနေနဲ့ ဆီးချိူ၊ တီဘီနဲ့ ကိုယ်ဝန်ဆောင်ရောဂါတွေအတွက် သုတေသနပြုခံကြရတာပါ။  ပူးအကြောင်းတော့ သိပ်မသိလို့ နည်းနည်းပဲ ရေးပါရစေနော်။

အဲဒီ အကောင်သေးသေးလေးနှစ်ကောင်က နယ်စပ်တစ်နေရာမှာ အလုပ်လုပ်ရင်းတွေ့ကြတာပေါ့...။ သိပ်ဝေးတာမို့ ပူးလေးက ကြွက်ဖြူမလေးဆီ တစ်ခါတစ်ရံမှ လာလည်နိုင်ပေမဲ့ လာလည်တဲ့အခါတိုင်းမှာ မနှင်မချင်း မပြန်ဘူးဆိုတဲ့အချိူးမျိူးနဲ့ စကားဖောင်ဖွဲ့တတ်တာ။  တခြားစကားချိူချိူတွေ မပြောတတ်ပေမဲ့ ပြန်ခါနီးတိုင်း (မပြန်ချင်ဘူး)လို့ ပြောတတ်သေးရဲ့။ မိုးထဲရေထဲမှာဆိုင်ကယ်စီးပြီး စိုစိုရွှဲရွဲ ရောက်လာတဲ့ပူးစုတ်လေး (ကြွက်စုတ်မဟုတ်) ကို  ( လဲဖို့ပေးစရာ ယောက်ျား အ၀တ်မရှိလို့ အပြင်မှာ ခြောက်အောင် လမ်းလျှောက်ပြီးမှ) တစ်ခေါက်ပြန်လာခိုင်းတဲ့ ရက်စက်တတ်တဲ့ ကြွက်ကလေး ပါ။  ဘာကြောင့်မှန်းမသိ ပူးကလေးက ကြွက်ကလေးကို ယောက်ျားဆန်သတဲ့။  ချိူချိူနွဲ့နွဲမရှိတဲ့ အဲဒီ တောက်ဆတ်ဆတ် ပုံစံကိုပဲ သဘောကျသတဲ့။ ဒါဆိုရင်  ကြွက်ကလေးက ပူးကလေးကို စာတစ်နေ့တစ်စောင်ရေးရမယ်လို့   ဂျီကျတော့လည်း အဝေးကနေ မှန်မှန်ပို့ပေးရှာပါရဲ့။  နေ့တိုင်းရောက်တဲ့ စာတွေကြောင့် ကြွက်ကလေး အရှက်ရပြီး ရပ်ခိုင်းခဲ့ရတာလည်း အမှတ်တရတွေပါဘဲကွယ်..။ တကယ်တော့ ကြွက်ကလေးက ခဲမှန်ဖူးတဲ့ စာသူငယ်မို့  ရွယ်ရုံနဲ့လန့်နေတာပါ။  တော်ရုံသံယောဇဉ်ဆိုတာ မယုံတတ်တော့တာမို့  ပူးကလေးကို စမ်းသပ်တာတွေ များသွားခဲ့တာပါ။  ၇နှစ်၇မိုးကြာမှ ပူးကလေးကို လက်တွဲဖို့ ဆုံးဖြတ်ခဲ့တာပေါ့......။


ပူးကလေးနဲ့ကြွက်ကလေး လက်တွဲခဲ့တာ ရက်ပေါင်း ၉၀၀ကျော်ခဲ့ပြီ....။  ကိုယ့်အသိုက်မှာကိုယ် တာဝန်ကိုယ်စီနဲ့မို့  ရက်ပေါင်း၉၀တောင် မဆုံတွေ့ကြရတဲ့ ဘ၀တွေပါလား။  ပူးကလေးကတော့ ကြွက်ဖြူလေးရဲ့ အသိုက်နားကို ပြောင်းလာဖို့ကြိုးစားနေလေရဲ့။

ပူးကလေးက ဖြည့်ဆည်းပေးရတာမှာ ပျော်ရွှင်မိပါတဲ့။ အဲဒါနဲ့ပဲ သူပျော်အောင်ဆိုပြီး ဟိုဟာစားချင်တယ်၊ ဒီဟာစားချင်တယ်၊ ဟိုပစ္စည်းလေး ရှာပေးပါဦးနဲ့  ကြွက်လေးက အမြဲပဲ ရှာကြံ တောင်းဆိုနေရတော့တာ။ ဒါတွေဟာ ကြာရှည်မြဲပါ့မလား လို့လည်း ကြွက်ကလေးက အမြဲပူပန်မိသေးတာပေါ့။  အမြဲမရှိသော အနိစ္စ သဘောဆောင်တဲ့ လောကကြီးမှာ တကယ်လို့များ ပူးကလေးရဲ့ အလိုလိုက်အကြိုက်ဆောင်မှူတွေ လျော့ပါးပျောက်ဆုံးခဲ့ရင် ကြွက်ကလေး ခံနိုင်ရည်ရှိဖို့ အတော်ကြိုးစားရဦးတော့မှာပါ။  

ကြွက်ကလေးက တစ်ခါတစ်လေစိတ်ကောက်တဲ့အခါ ဖုန်းမကိုင်တဲ့ ဖုန်းမဆက်တဲ့နည်းနဲ့ ပူးလေးကို နှိပ်စက်တတ်တယ်။  ဒါပေမဲ့ ကြွက်ကလေးလဲ ထပ်တူခံစားရတာပဲကွယ်။  ကြွက်ကလေးက ကိုယ့်နှလုံးသား ခံစားချက် ကို ပူးကလေးသိအောင် ဘယ်တော့မှ ဖွင့်မပြောတတ်သူမို့ ပူးကလေးက အသည်းမာတယ် လို့ အမြဲသတ်မှတ်တတ်ပါရဲ့။ အဲဒီလိုပဲ ယုံကြည်သတ်မှတ်ထားလိုက်ပါ ပူးကလေးရေ.....။ ဘာတွေပဲဖြစ်ဖြစ် တို့တွေ အေးအတူ ပူအမျှ တွဲလက်ခိုင်မာနေဖို့ပဲ အရေးကြီးတာ မဟုတ်လားကွယ်.....။

မိုးစက်ပွင့်
Photo Credit:  fotosearch.com