Thursday 16 February 2012

တခုသော ဆဲမ်မီနာ

အီးမေးလ်  စာတိုက်ပုံးလေးထဲကို UMFCCI Seminar ဖိတ်စာလေးတွေ မကြာခဏရောက်လာတတ်ပေမဲ့  အချိန်မအားလပ်တာရော၊ ကိုယ်နဲ့ တိုက်ရိုက်မဆက်နွယ်တဲ့ ဘာသာရပ်ကလေးတွေ ဖြစ်နေတာရော တို့ကြောင့် တခါမှ မတက်ဖြစ်ခဲ့ပါဘူး။ ဒီတခါတော့ အကြောင်းအရာက မြန်မာနိုင်ငံရဲ့ ဖွံ့ဖြိုးရေးဆိုင်ရာ ရှေ့အလားအလာ နဲ့ ဟောပြောမဲ့ သူတွေက ကိုလံဘီယာတက္ကသိုလ်ပါမောက္ခ ဂျိူးဇက်စတစ်ဂလစ်၊  ကိုလံဘီယာတက္ကသိုလ် ပါမောက္ခ ရော်နယ်ဖင်လေ တို့အပြင် အငြိမ်းစား ရန်ကုန်တက္ကသိုလ် ပါမောက္ခချူပ်ကြီး ဦးလှမြင့် တို့ ပါဝင်နေလို့ပါဘဲ။  စီးပွားရေး နိုင်ငံတော်အကြံပေး ပါမောက္ခဦးမြင့်က မော်ဒရေတာ လုပ်မယ်လို့ ဆိုပါတယ်။

 ဖိတ်စာထဲမှာ RSVP လို့ တွေ့တာနဲ့ အဲဒီထဲက နံပါတ်တခုကို ဖုံးဆက်ပြီး မေးလိုက်တာ့ “သြော်- မလိုတော့ပါဘူးခင်ဗျာ၊ ကျွန်တော်တို့  xxxxxxxxxx လုပ်လိုက်ပါပြီ” တဲ့။  ဆက်သွယ်ရေး ဖုန်းလိုင်းရဲ့ ၀ါးတားတား တိုးလျလျ အသံတွေကြောင့်ရော၊ ကျမရဲ့ သောတအာရုံ ချိူ့တဲ့တာကြောင့်ရော သူပြောတာ သဲသဲကွဲကွဲ မကြားရပါဘူး။  ပွဲဖျက်လိုက်တာလားမသိ လို့ တွေးပြီးစိတ်ပူသွားပါတယ်။ တောင်းပန်ပြီး ထပ်မေးတော့လည်း သိပ်မသေချာဖြစ်နေပါတယ်။  နောက်ဆုံးမှ “  အားလုံးကို တက်ဖို့စီစဉ်ထားပြီးပါပြီ၊ စောစောသာလာခဲ့ပါခင်ဗျာ၊ နေရာမရမှာစိုးလို့ ” စေတနာစကား ဆိုပါတယ်။ အဲဒီတော့မှ “သြော်သူက အိုးပင်းတူအောလ် - လို့ ပြောတာကိုး၊ ငါ့နှယ်” လို့ ပြုံးမိလိုက်သေး။ 

အဲဒီနေ့မနက်တော့ ကျမ ပွဲမစမီ ၄၅မိနစ်တိတိ စောရောက်သွားပါတယ်။  လူတွေ ကျိူးတိုးကျဲတဲသာ ရှိပါသေးတယ်။  အ၀င်ဝမှာ registration လုပ်ရပါတယ်။  ဂျာနယ်တွေလည်း ရောင်းနေတာတွေ့ရပါတယ်။  တအုပ်၅၀၀ ဆိုတော့ နှစ်အုပ်အားပေးလိုက်ပါတယ်။  ပွဲစောင့်ရင်း ဖတ်ရတာပေါ့။  ဆယ်တန်းမြောက်လောက်မှာ ထိုင်ခုံ တတန်းလုံးရှင်းနေတာနဲ့ လျှောက်လမ်းဘေးမှာ နေရာယူ လိုက်ပါတယ်။  လူတွေကလည်း နောက်ထပ် ၀င်လာမစဲ တသဲသဲနဲ့ပါဘဲ။

အမ- ထိုင်မယ်နော်ဆိုပြီး အသက်အစိတ်လောက် ညိုညိုသွယ်သွယ် ဂျင်းဘောင်းဘီဝတ် မိန်းကလေးတယောက် လာထိုင်တော့ ပြုံးပြီးခေါင်းညိတ်လိုက်တယ်။  အန်တီမခေါ်လို့လည်း ပျော်သွားသေးတာပေါ့။  ပြီးတော့ ပွဲတက်သမျှ လူတွေကို မျက်စေ့စားပွဲထိုင်ပါတယ်။  ရန်ကုန်သူတွေက ၀တ်တာစားတာက အလန်းပါဘဲလား။  ငါ့ဒီဇိုင်းကြီးကိုလည်း နည်းနည်းပြင်ဦးမှ စသဖြင့် တွေးရင်းပေါ့။  ၁၅မိနစ်လောက် အလိုကျတော့ ခန်းမတခုလုံး လူတွေ ပြည့်သိပ်လာသည်။ ဒီလောက်လူအများကြီးထဲမှာ ကိုယ့်အသိ  နှစ်ယောက်သာ တွေ့လိုက်သည်။  အဲသလို မိတ္တဗလ ပြည့်စုံသူ မဟုတ်လား။

အစီအစဉ်ကြေငြာသူ အမျိူးသမီးက အသံချိူသာလှသည်။  “ အဲဒီ Announcer က- မြန်မာ့အသံက ငှားထားတာ အမ” ဘေးနားက ညီမငယ်က မီဒီယာလောကသားပီပီ သတင်းပေးသည်။  “ဟိုမှာ စာရေးဆရာကိုတာလေ- အကျီင်္အပြာနဲ့”   သူပြသမျှ စောင်းငဲ့ရှာဖွေကြည့်ရသေးသည်။ ကိုယ်က ဖြန့်ထွက်တွေးခြင်း စာအုပ်နဲ့ ရင်းနှီးခဲ့သူမို့ပါ။  “ ထိုင်ခုံများကို နေရာဦးမထားကြပါရန် မေတ္တာရပ်ခံပါတယ်ရှင်....” အစီအစဉ်ကြေငြာသူက ပြောပေမဲ့ ဘေးနားမှာ အိတ်တင်ထားသူတွေက တုတ်တုတ်မှ မလှုပ်ကြပါ။  လူတွေက အလည်လျှောက်လမ်းမှာပါ မတ်တပ်ရပ်လာကြတော့ ထိုင်နေရတာ အားနာသလိုလို။  အားနေတာနဲ့ တတန်းချင်း ခုံအရေအတွက်နဲ့ ခုံတန်းအရေအတွက်ကို မြှောက်၊  မတ်တပ်ရပ်တဲ့သူတွေကို ခန့်မှန်းပြီးပေါင်းကြည့်တော့ လူတထောင်ကျော်လောက်ထွက်ပါတယ်။  ဒါပေမဲ့  ပွဲစီစဉ်သူတွေက registration လက်မှတ်အရ ၂၅၀၀ ကျော်တယ်လို့ ပြောပါတယ်။ လွဲပြန်ပြီပေါ့။

ဟောပြောမဲ့ နိုင်ငံခြားသား ပါမောက္ခနှင့်  ဘီးတပ်ကုလားထိုင်ပေါ်မှ ဆရာကြီးတဦး ၀င်လာပြီး မကြာခင် ပွဲစ ပါတော့တယ်။ UMFCCI  နဲ့  MIEGA (မြန်မာနိုင်ငံ စီးပွားရေးတက္ကသိုလ်ဘွဲ့ရများအသင်း)မှ ဥက္ကဌအသီးသီးက အဖွင့်အမှာစကားပြောကြတာမို့  ၁၀နာရီခွဲသွားပါတယ်။  ပွဲပြီးဖို့သတ်မှတ်ထားတာက ၁၂နာရီဖြစ်လို့ အချိန်လောက်ပါ့မလားလို့ ကျွန်မနည်းနည်း စိတ်ပူနေမိပါတယ်။

---------------------------------------


ပါမောက္ခ စတစ်ဂလစ်က ပရိုဂျက်တာနှင့် ပါဝါပွိုင့်ထိုးက ဟောပြောပါတယ်။  ကျွန်မ မှတ်မိသလောက် အကျဉ်းချူပ်အချက်များကတော့-

၁။ ယခုအခါ မြန်မာနိုင်ငံအတွက် အခွင့်အလမ်းကောင်းတရပ် ရှိနေတဲ့ အချိန်အခါဖြစ်ပါတယ်။  အကြောင်းရင်းကတော့ အာရှတိုက်ရဲ့ စီးပွားတိုးတက်မှု၊ သဘာဝ အရင်းအမြစ်များ ပိုင်ဆိုင်မှု၊  ပြင်ပအထောက်အပံ့များ စီးဝင်လာမှု တို့ဖြစ်ပါတယ်။  မြန်မာနိုင်ငံအနေနဲ့ တခြားနိုင်ငံများထက် ဖွံ့ဖြိုးမှု နောက်ကျ နေပေမဲ့ အဲဒီအချက်ကဘဲ သူများရဲ့ အားနည်းချက် အားသာချက် သင်ခန်းစာတွေကို လေ့လာခွင့် ရစေနိုင်ပါတယ်။

၂။ ကျော်လွှားရမဲ့ အခက်အခဲတွေ တပုံတပင်ကြီးလည်း ရှိနေပါတယ်။  မြန်မာနိုင်ငံမှာ လူတိုင်းနီးပါး စာတတ်မြောက်ကြတယ်ဆိုပေမဲ့ အားထားစရာ လူသားအရင်းအမြစ် ဖြစ်လာတဲ့အထိ မြေတောင်မြှောက်ပေးဖို့ရာ ပညာရေးအသုံးစရိတ် ချထားမှု အလွန့်အလွန် နည်းပါးနေပါတယ်။  အခြေခံလူသုံးကုန်ပစ္စည်းတွေရဲ့ ဈေးနှုန်းကလည်း ရှိသင့်တာထက် အလွန်မြင့်နေတဲ့အတွက် ဆင်းရဲမွဲတေမှုက မြင့်မားနေတယ်။  လူများစုကို အကျိူးဖြစ်ထွန်းစေမဲ့ စီးပွားရေး နဲ့ ဥပဒေ မူဝါဒသစ်တွေ လိုအပ်နေပါတယ်။

၃။  အထူးဦးစားပေးမြှင့်တင်ရမဲ့ နယ်ပယ်တွေကတော့  နိုင်ငံခြားငွေလဲနှုန်း၊ စိုက်ပျိူးရေး၊ကဏ္ဍ၊ သဘာဝအရင်းအမြစ် စီမံခန့်ခွဲမှု၊ စီးပွားရေးမှာ လွပ်လပ်စွာ ပြိုင်ဆိုင်စေမှု၊  ဘဏ္ဍာရေး ကဏ္ဍ၊ ပညာရေးနဲ့ ကျန်းမာရေး ကဏ္ဍ၊ ဥပဒေရေးရာ ကဏ္ဍ၊  အခြေခံအဆောက်အဦ ကဏ္ဍ၊  တတိုင်းပြည်လုံး အညီအမျှ ဖွံ့ဖြိုးရေး စီမံချက် နှင့် မူဝါဒများ ချမှတ်အကောင်အထည်ဖေါ်ရေး ကဏ္ဍ တို့ဘဲ ဖြစ်ပါတယ်။   အရာအားလုံးကို တပြိုင်နက်တည်း ဆောင်ရွက်ဖို့ မဖြစိနိုင်တဲ့အတွက် ဦးစားပေး ကဏ္ဍအလိုက် အဆင့်ဆင့် အကောင်အထည်ဖေါ်သွားရမှာ ဖြစ်ပါတယ်။

၎။  ဖွံ့ဖြိုးတိုးတက်မှုလို့ ဆိုရာမှာ တိုင်းပြည်အသားတင်ထုတ်ကုန်တန်ဖိုး ( GDP ) တခုတည်းနဲ့ တိုင်းတာတာဟာ မှန်ကန်မှုမရှိပါဘူး။ လူနည်းစုဒေသတွေအပါအ၀င် လူထုတရပ်လုံးရဲ့ ၀င်ငွေတွေ  မျှမျှတတ မတိုးတက်ရင် တိုင်းပြည်ရဲ့  ( GDP ) တက်ပေမဲ့ လူတွေပိုဆင်းရဲသွားတာမျိူးဖြစ်စေနိုင်ပါတယ်။  ဒါကြောင့် ဖွံ့ဖြိုးမှုတွေဟာ လူမှုရေးရှုဒေါင့်ကဘဲကြည့်ကြည့် စီးပွားရေးနဲ့ သဘာဝပါတ်ဝန်းကျင်ဆိုင်ရာ ရှုဒေါင့်ကဘဲ ကြည့်ကြည့်  ရေရှည်တည်တံ့ခိုင်မြဲတဲ့လက္ခဏာကို ဆောင်ဖို့လိုပါတယ်။

၅။  တိုင်းပြည်စီးပွားရေးတိုးတက်ဖို့ရာ ပုံတူကူးချရမဲ့နိုင်ငံ (ဥပမာ- အမေရိကန်၊စင်္ကာပူ၊ မလေးရှား၊..) ရယ်လို့ မရှိပါဘူး။  သူတို့ဆီက ကိုယ်နဲ့ ကိုက်ညီသင့်လျှော်တဲ့ စံနစ်နဲ့ မူဝါဒတွေကို အတုယူ ပေါင်းစပ်အသုံးပြုရမှာပါ။ ဒါပေမဲ့ စီးပွားရေးအရ အောင်မြင်တဲ့ နိုင်ငံတိုင်းမှာ တူညီတဲ့ ဘုံလက္ခဏာ တချိူ့ရှိပါတယ်။  ဒါတွေကတော့ ခိုင်မာတောင့်တင်းတဲ့ ငွေရင်းနှီးမြှုပ်နှံမှု ( ဥပမာ စင်္ကာပူရဲ့ CPI )၊  ပညာရေးနဲ့ နည်းပညာပိုင်းကို ရင်းနှီးမြှုပ်နှံမှုတရပ်ပမာ အလေးထားငွေကြေးသုံးစွဲမှု၊  ပညာရေးရပိုင်ခွင့်တွေ တန်းတူညီမျှရစေမှု၊  ဖွံ့ဖြိုးမှုဖေါ်ဆောင်တဲ့ ကနဦးအဆင့်တွေမှာ မြေယာစံနစ် ပြုပြင်မှု တွေ ပါဝင်ပါတယ်။ ဒါ့အပြင် လွပ်လပ်သော ဈေးကွက်စံနစ်ကို တဖက်ကဖေါ်ဆောင်ပြီး နိုင်ငံအစိုးရပိုင်းမှလည်း မူဝါဒချမှတ်ပေးရုံမဟုတ်ပဲ ကိုယ်တိုင်ဝင်ရောက် ကူညီပံ့ပိုးပေးရမှာ ဖြစ်ပါတယ်။

၆။ ဆင်းရဲသူတွေ အများအပြားကို အင်တာဗျူးရင် အလုပ်အကိုင်မရှိလို့ဆိုတဲ့အဖြေကို မကြာခဏကြားရပါတယ်။  ဒါကြောင့် နိုင်ငံဖွံ့ဖြိုးမှုက သူတို့ကို လုပ်ငန်းကိုင်ငန်းရဖို့ အထောက်အကူဖြစ်စေတဲ့ စီးပွားရေးလုပ်ငန်းမျိူးအပေါ်မှာ အခြေခံသင့်ပါတယ်။  နိုင်ငံပိုင်လုပ်ငန်းများကို ပုဂ္ဂလိကပိုင်ပြုခြင်းတခုတည်းနဲ့ အမြဲအောင်မြင်မယ်လို့ ပြောမရပါဘူး။ အဲဒီကနေ လက်သင့်ရာ စားတော်ခေါ်မှုတွေ၊ အချင်းချင်း မျက်နှာပေး လက်ဝါးကြီးအုပ်မှုတွေ၊ နောက်ထပ် မညီမျှမှုတွေ ဖြစ်ပေါ်လာနိုင်ပါတယ်။  လုပ်ငန်းအငှားချထားခြင်းကရတဲ့ ၀င်ငွေကိုသာ မှီခိုမနေဘဲ လူအများပါဝင်နိုင်တဲ့ ကုန်ထုတ်လုပ်ငန်းနဲ့ ကုန်သွယ်မှုတွေကိုလည်း ဆောင်ရွက်ရမှာ ဖြစ်ပါတယ်။

၇။  ကမ္ဘာပေါ်က လူမှုစီးပွားဖွံ့ဖြိုးရေး စီမံကိန်းတွေအနေနဲ့ အရင်းနည်းနည်းမှာ အကျိူးအမြတ်များများရတဲ့ လုပ်ငန်းတွေကတော့-  ကျောင်းတက်ဖို့ ကာကွယ်ဆေးထိုးဖို့ စသည်တို့ကို ငွေကြေးထောက်ပံ့ စည်းရုံးတဲ့ လုပ်ငန်းများ၊ အသေးစား ငွေချေးစံနစ်၊  စွမ်းအင်ချွေတာရေးမီးဖိုများ၊ လူမှုသစ်တောများ၊ အာဟာရဓါတ်ဖွံ့ဖြိုးရေးနှင့် ဓါတ်ဆားရေတိုက်ကျွေးခြင်းကုထုံးများ၊  ကျေးလက်အလုပ်အကိုင်ရရှိရေး အစီအစဉ်သစ်များ ဖြစ်ကြပါတယ်။   မြန်မာနိုင်ငံအနေနဲ့ မိမိနဲ့ သင့်တော်တာတွေကို ရွေးချယ်ဆောင်ရွက်သွားရမှာ ဖြစ်ပါတယ်။

၈။          သဘာဝအရင်းအမြစ်တွေ ပေါကြွယ်ဝတဲ့ နိုင်ငံတော်တော်များများဟာ ဖွံ့ဖြိုးမှု ပိုနှေးကြပါတယ်။ အဲဒါကို “သဘာဝအရင်းအမြစ်ကျိန်စာ” လို့ခေါ်ကြပါတယ်။ ဘာကြောင့်လဲဆိုတော့ အဲဒီဝင်ငွေတွေကနေ ပြည်တွင်းမညီမျှမှုတွေ ဖြစ်ပေါ်နေစေလို့ပါဘဲ။  ဒါကိုကောင်းကောင်း စီမံခန့်ခွဲနိုင်တဲ့ နိုင်ငံတချိူ့ကတော့ တိုးတက်ဖွံ့ဖြိုးသွားကြပါတယ်။

၉။   ကိုယ့်နိုင်ငံရဲ့ ငွေလဲနှုန်းက ရှိသင့်တာထက်ပိုမြင့်နေရင် ပြည်ပပို့ကုန် ဈေးကြီးပြီး မိမိစီးပွားရေးကို ဆုတ်ယုတ်စေပါတယ်။ အဲဒါကို  “ Dutch Disease  ” လို့ခေါ်ပါတယ်။ ဘတ်ဂျက်ကို ကောင်းကောင်း မစီမံမခန့်ခွဲနိုင်ရင် ငွေကြေးဖေါင်းပွမှုတွေ ဖြစ်စေပါမယ်။ ငွေကြေးစံတခု မသတ်မှတ်နိုင်သေးရင်တောင် မှောင်ခိုဈေးနှုန်းကို တိတိကျကျ ကိုင်တွယ်ထိမ်းသိမ်းနိုင်ရပါမယ်။

၁၀။   တိုင်းပြည်ဟာ မိမိဝင်ငွေကို မြေပေါ်မြေအောက် ပြန်လည်ရင်းနှီးမြှုပ်နှံမှုမရိရင် ဒီတိုးတက်မှုဟာ ရေရှည်လက္ခဏာ ( sustainable ) မဆောင်ပါဘူး။  အထူးသဖြင့် လူတွေရဲ့ (ပညာရေ၊ကျန်းမာရေး၊ ဖွံ့ဖြိုးရေး) မှာ မမြှုပ်နှံရင် ချမ်းသာတဲ့တိုင်းပြည်နဲ့ သူ့ရဲ့ဆင်းရဲတဲ့လူထုပဲ ဖြစ်နေမယ်။ (လက်ခုပ်သံများ)

၁၁။  သဘာဝ အရင်းအမြစ်တွေကရတဲ့ ၀င်ငွေနဲ့တင် ရောင့်ရဲမနေဘဲ ပြည်တွင်းအကောက်အခွန်ကို  တိတိကျကျ မျှမျှတတ ကောက်ခံ အသုံးပြုရမယ်။ အဲဒီလိုလုပ်ဖို့ အတွက် စံနစ်ကောင်းကောင်း တရပ်လိုပါတယ်။  ၂၁ရာစုမှာ အလုပ်ကြမ်းသမားတွေရဲ့ လုပ်ခနဲ့ အဲဒီက အခွန်ငွေတွေကိုဘဲ မှီခိုနေလို့မရဘူး။  လူတွေဟာ ၀ယ်ရောင်းစီးပွားရေးနဲ့ဘဲ ငွေရှာနေလို့မဖြစ်ဘူး။  ပညာတတ်လူ့အဖွဲ့အစည်း တခုဖြစ်လာအောင် နိုင်ငံရဲ့ ဘတ်ဂျက်ရင်းနှီးမြှုပ်နှံမှု လုပ်ရပါမယ်။ 

၁၂။ စိုက်ပျိူးရေးမှာ ထုတ်လုပ်သူတွေရဲ့ ရတဲ့ဈေးနဲ့ စားသုံးသူတွေ ပေးရတဲ့ဈေးက သိပ်ကို ကွာခြားနေတယ်။  ဒါကတော့ အလယ်က ကုန်သွယ်သူတွေရဲ့အိတ်ထဲကို ရောက်သွားလို့ဖြစ်တယ်။  အဲဒီကွာဟမှုကို ကျဉ်းနိုင်သမျှကျဉ်းအောင် ဆောင်ရွက်ရမယ်။  ဈေးကွက်မှာ လွပ်လွပ်လပ်လပ်ပြိုင်ဆိုင်မှုဖြစ်လာအောင် လုပ်ပေးရမယ်။  ဒီလိုမှမဖြစ်ရင် အစိုးရက တိုက်ရိုက်ဝင်ရောက် စွက်ဖက်သင့်ရင် စွက်ဖက်ရမယ်။  လိုင်စင်ကန့်သတ်ရောင်းဝယ်စေတဲ့ စံနစ်ဟာ အကျိူးယုတ်စေတယ်။

၁၃။ ကျေးလက်ဖွံ့ဖြိုးရေးအတွက်  အငယ်စားလယ်ယာစိုက်ပျိူးရေးလုပ်ငန်းတွေကို အားပေးရမယ်။  

၁၄။ လယ်ယာမြေအခွင့်အရေးတွေကို ရှင်းရှင်းလင်းလင်း ပြဌာန်းရပါမယ်။   မြေပိုင်ဆိုင်မှုအပေါ်မရေရာမှုက ရင်းနှီးမြှပ်နှံမှုများကို အဟန့်အတားဖြစ်စေကာ လယ်ယာကုန်ထုတ်လုပ်မှုကိုလည်း ကျဆင်းစေပါတယ်။  မြေယာသိမ်းယူခြင်းကိုလည်း အများပြည်သူ အကျိူးစီးပွားနှင့် တိုက်ရိုက် သက်ဆိုင်သော စီမံကိန်း လုပ်ငန်းများ အတွက်သာဖြစ်စေပြီး  လျော်ကြေးအပြည့်အ၀ပေးခြင်း၊  အကျိူးထိခိုက်သူများရှိမရှိ ဆန်းစစ်ခြင်း၊ အကျိူးအမြတ် ရရှိမည့်သူများကိုဆန်းစစ်ခြင်း၊ အကျိူးအမြတ်နှင့်ဆုံးရှုံးမှု နှိုင်းယှဉ်ကာ သာလွန်မှုပမာဏကို ဆန်းစစ်ခြင်း တို့ကို ပြုလုပ်ရပါမည်။   ကျွဲနွားစားကျက်မြေများကိုလည်း မြေလွတ်မြေရိုင်းဟု မယူဆရပါ။

၁၅။ မြေယာစံနစ်ပြုပြင်ရေးမှာ ကိုရီးယားနဲ့ ထိုင်ဝမ်တို့ရဲ့ အောင်မြင်တဲ့ နမူနာကို ယူသင့်တယ်။   လူတွေပိုပြီး မြေမဲ့ယာမဲ့ဖြစ်သွားရင် ဆင်းရဲမွဲတေမှု ပိုဆိုးလာမယ်။ သီးနှံထုတ်လုပ်မှုကျဆင်းလာမယ်။ လယ်လုပ်သူလယ်ပိုင်ရေးကို ချေးငွေလုပ်ငန်း နဲ့ နည်းပညာပံ့ပိုးမှုတွေနဲ့ ပေါင်းစပ်ပေးရမယ်။  မြေယာဆိုတာ သဘာဝအရင်းအမြစ်တရပ်ဖြစ်တဲ့အတွက် ကောင်းမွန်စွာ စီမံခန့်ခွဲမှုမလုပ်ရင် “သဘာဝရင်းမြစ် ကျိန်စာ” ကို ဖြစ်ပေါ်စေတယ်ဆိုတာ တချိူ့သောနိုင်ငံတွေမှာ သက်သေရှိပါတယ်။

၁၆။  မြန်မာဟာ တခါက ကမ္ဘာ့အကြီးဆုံးဆန်တင်ပို့သူအဖြစ်ကို ဆုံးရှုံးခဲ့ပြီးပါပြီ။  လယ်သမားတွေကို စိုကိနိုင်ပျိူးနိုင်လာအောင် မျိူးစေ့၊ မြေသြဇာတို့အတွက် လုံလောက်တဲ့ အသေးစားချေးငွေ ပံ့ပိုးပေးရပါမယ်။  ငွေတိုးချေးသူတွေအပေါ်မှီခိုနေတာကို လျော့ချရပါမယ်။  ချေးငွေ အလွဲသုံးစားမှုများကိုလည်း သေသေချာချာ ပြဌာန်း ကာကွယ်ရပါမယ်။

၁၇။  တိုင်းပြည်မှာ အရေးကြီးဆုံးက လူသားအရင်းအမြစ်ဖြစ်ပါတယ် ( လက်ခုပ်သံများ)။  လက်ရှိမှာ လူများစုကြီးဖြစ်တဲ့ ကျေးလက်ဒေသမှာ အတိုင်းအတာတခုအထိ ဖွံ့ဖြိုးမှု တော်တော်နိမ့်ကျနေပါတယ်။ ကျန်းမာရေးနဲ့ ပညာရေးမှာ ပြန်လည်မြှုပ်နှံတဲ့အပြင် လူမှုကယ်ဆယ်ရေးကွန်ယက်အနေနဲ့ အတိဒုက္ခရောက်သူတွေကို ကူညီပေးရပါမယ်။

၁၈။  ဈေးကွက်အပြည့်အ၀လည်ပတ်ရေးအတွက် အားပေးရမယ်။  အထူးသဖြင့် နိုင်ငံခြားငွေလဲလှယ်မှုမှာ ဘဏ္ဍာရေးစည်းကမ်းတွေ အသေအချာချမှတ်ပြီး အလွဲသုံးစားမှုများ မတည်ငြိမ်မှုများ ကာကွယ်ရမယ်။  နိုင်ငံတကာက စီးပွားရေးလုပ်ငန်းတွေနဲ့ ဆက်သွယ် လည်ပတ်ဆောင်ရွက်ရပါမယ်။  နိုင်ငံတကာ ပိတ်ဆို့မှုများဖယ်ရှားခြင်းဟာ  အတိုင်းအတာတခုအထိ အထောက်အကူဖြစ်စေပါတယ်။ ဒါပေမဲ့ အဲဒီပိတ်ဆို့မှုတွေကြောင့် စီးပွားရေးနဲ့ ကုန်သွယ်မှုမတိုးတက်တာလို့ မဆိုနိုင်ပါဘူး။  လက်ရှိ နိုင်ငံတွင်းမှာဖြစ်နေတဲ့  ပုံပျက်နေတဲ့ စီးပွားရေး အခြေအနေနဲ့ အဟန့်အတားတွေက အခရာ ဖြစ်ပါတယ်။ မြန်မာနိုင်ငံအနေနဲ့  နိုင်ငံခြားကုမ္မဏီတွေ လာရောက်ရင်းနှီးမြှုပ်နှံတဲ့အခါ (ပြည်တွင်းကုမ္မဏီများအပါအ၀င်) အလုပ်သမားရပိုင်ခွင့်များ၊ သဘာဝပါတ်ဝန်းကျင်ထိမ်းသိမ်းရေးစံများပါ မြင့်မြင့်မားမား သတ်မှတ်ထားရန် လိုပါတယ်။

၁၉။  အမျိူးသားငြိမ်းချမ်းရေးကိုတည်ဆောက်ပြီး ယခင်က ပဋ္ဋိပက္ခဖြစ်ခဲ့သည့်ဒေသများတွင် ဖွံ့ဖြိုးရေးလုပ်ဆောင်ရန် လိုပါတယ်။  သဘာဝအရင်းအမြစ်က ရရှိတဲ့ဝင်ငွေတွေကို အချိူးညီညီ ခွဲဝေသုံးစွဲခြင်းဖြင့် အတူတကွဖွံ့ဖြိုးကာ ငြိမ်းချမ်းသာယာနိုင်ပါတယ်။

၂၀။  မိမိလုပ်ငန်းတိုင်းကို ဆင်းရဲသားများအတွက် အထောက်အကူပြုမပြု အမြဲဆန်းစစ်ရန်လိုပါတယ်။

၂၁။  နိဂုံးချူပ်အနေနှင့် အထက်ပါစီးပွားရေးပြုပြင်ပြောင်းလဲမှုများကိုဆောင်ရွက်ပြီး ရင်းနှီးမြုပ်နှံမှုများ ပြန်လည်ရရှိစေကာ အထီးကျန်နိုင်မှုကို အဆုံးသတ်ရပါမယ်။  အစိုးရမှ ငွေကြေးလည်ပတ်သုံးစွဲမှု ပိုမိုမြှင့်တင်ကာ တဖက်မှာလည်း ပြည်တွင်းပဋ္ဋိပက္ခများကို ပြေငြိမ်းအောင်ဆောင်ရွက်ရင်း မြန်မာနိုင်ငံရဲ့ ခေတ်သစ်ကို ဖေါ်ဆောင်သွားနိုင်မှာ ဖြစ်ပါတယ်။

ပါမောက္ခစတစ်ဂလစ်ရဲ့ ဟောပြောချက်က မွန်းလွဲ ၁၂နာရီမှ ပြီးပါတယ်။  ဒါပေမဲ့ နောက်ထပ် ပါမောက္ခ ဖင်လေက ဆက်ပြီးဟောပြောပါတယ်။

၁။ ၁၉၆၉ ကနေ ကနေ့အထိ ကမ္ဘာတ၀ှမ်းက ဖြစ်ရပ်အများအပြားကို (ဥပမာ- တရုပ်ယဉ်ကျေးမှုတော်လှန်ရေး၊ အမေရိကန်တို့ရဲ့ ဗီယက်နမ်စစ်ပွဲ အထိနာမှု၊  ၉၁၁ ကုန်သွယ်ရေးအဆောက်အဦပေါက်ကွဲမှု  စသဖြင့်)  ပြောပြ သွားပါတယ်။  အဲဒီ အဖြစ်အပျက်တွေအနက် ဘယ်အဖြစ်အပျက်တွေက ကမ္ဘာကြီးအတွက် အထင်ကရအဖြစ်ဆုံးလဲလို့ မေးခဲ့မယ်ဆိုရင် တခုမှ မဟုတ်ပါဘူးတဲ့။  သူအနေနဲ့ ကတော့ “ဓနဥစ္စာတွေ အရှေ့ကမ္ဘာတွေဆီ ရွေ့လျားလာမှု” ကိုသာ ဖြေပါမယ် တဲ့။

၂။  တိုင်းပြည်ရဲ့ စီးပွားရေးစံနစ်နှစ်မျိူး -  ပို့ကုန်အသားပေး ( Export Promotion- EP) နဲ့ သွင်းကုန်အစားထိုး (  Import Substitution- IS ) ကို ယှဉ်ပြသွားပါတယ်။  စံနစ်နှစ်ခုလုံးမှာ အားနည်းချက် အားသာချက်ရှိတဲ့အတွက် ဒီနေ့ခေတ်မှာ မျှခြေတိုးတက်မှု ( balanced growth ) အတွက် ဒီနှစ်ခုကိုရောစပ်အသုံးပြုနေကြပေမဲ့  သဘာဝအားဖြင့် EP က  IS ထက်  ပိုမိုအကျိူးစီးပွားဖြစ်စေတယ် လို့ဆိုပါတယ်။

၃။  မြန်မာဟာ အိန္ဒိယနဲ့ တရုပ်ကြားမှာ တည်ရှိနေတဲ့အတွက် အလားအလာကောင်းတယ်လို့ ဆိုသလို  ကျွဲနှစ်ကောင်ခတ်တဲ့ကြားက မြေဇာပင် ဖြစ်နိုင်တယ်လို့ ဆိုသူတွေလည်း ရှိပါတယ်။  ကိုရီးယားကျောင်းသားတယောက်က တခါကပြောဖူးပါတယ်။ ဂျပန်နဲ့ တရုပ်ကြားမှာ သူတို့  အသားညှပ်မုန့် ( Sandwich ) ဖြစ်နေပါတယ်တဲ့။  သူ့ကိုပြန်ပြောသလို ပြောရရင် မစိုးရိမ်ပါနဲ့၊ မိတ်ဆွေဖွဲ့ထားပါ၊ အဲဒီကနေ အခွင့်အလမ်းကောင်းတွေ ရှာပါလို့ ပြောချင်ပါတယ်။

၎။ ပါမောက္ခ စတစ်ဂလစ်ကဲ့သို့ သူသည်လည်း “ပို့ကုန်အရေအတွက်” နဲ့ ဖွံ့ဖြိုးမှုကို မတိုင်းတာလိုပါ။  သို့သော် လူဦးရေအချိူးအစားနှင့်ယှဉ်ပြီး လေ့လာကြည့်လျှင် လူဦးရေတူတဲ့ မြန်မာနိုင်ငံထက် ထိုင်းက ၂၅ဆ ၊ တရုပ်က အဆ၂၀ ပို့နိုင်တာ တွေ့ရမှာပါ။

၅။ မြန်မာနိုင်ငံက နောက်ကျသူဖြစ်ပေမဲ့ သူများအမှားကနေ သင်ခန်းစာယူ၊ ခြေလှမ်းသွက်သွက်နဲ့ အမီလိုက်ဖို့ ၊ ကိုယ့် သဘာဝအရင်းအမြစ်တွေ လာရောက် အမြတ်ထုတ်ဝယ်ယူတာသက်သက်ကို လက်မခံဘဲ ရင်းနှီးမြှုပ်နှံမှုများဖိတ်ခေါ်ပြီး စီးပွားတိုးတက်အောင်လုပ်ဖို့ တိုက်တွန်းသွားပါတယ်။

၆။ မြန်မာပြည် ရန်ကုန်တက္ကသိုလ်မှာ နှစ်ပေါင်းများစွာ လုပ်ခဲ့တဲ့ ပါမောက္ခဖင်လေဟာ လွန်ခဲ့တဲ့ နှစ်၄၀ကျော်က လက်တွဲအလုပ်လုပ်ခဲ့တဲ့ ပညာရေးလောကက အပေါင်းအသင်း မိတ်ဆွေ တော်တော်များများရဲ့အမည်ကို မြန်မာသံပီပီသသနဲ့  ထည့်သွင်းပြောဆိုသွားပါတယ်။  ဆရာကြီးရဲ့ ပြောကြားချက်တွေနားထောင်ရင်း ဘာကြောင့်မှန်းမသိ မျက်ရည်ဝဲခဲ့ရပါသေးတယ်။

နောက်ထပ်ဟောပြောသူက ဆရာကြီးဒေါက်တာလှမြင့်ပါ။  နိုင်ငံတကာက ဆရာကြီးရဲ့ ဘောဂဗေဒ စာအုပ်စာတမ်းတွေကို ကျောင်းသုံးစာအုပ်ပြုခဲ့တဲ့အထိ တော်တဲ့ထက်တဲ့ ဆရာကြီးပါ။   ကျမတို့ကျောင်းနေစဉ်က စီးပွားရေးနဲ့ပါတ်သက်တဲ့ နိုင်ငံခြားစာအုပ်စာတမ်းတွေမှာ ( H.Myint )ဆိုပြီး  ရည်ညွှန်းကိုးကားထားတာ မကြာခဏ တွေ့ဖူးခဲ့ပါတယ်။ ရန်ကုန်တက္ကသိုလ်ပါမောက္ခချူပ်အဖြစ် ၁၉၆၀ပြည့်လွန်နှစ်များမှာ ဆောင်ရွက်ခဲ့ပါတယ်။ အသက်၉၀ကျော်ဖြစ်နေပေမဲ့ အသံတွေကတော့ မာကြော ပြတ်သားနေဆဲပါ။ 

ဆရာကြီးကတော့ “ များမြောင်လှတဲ့ပြောင်းလဲရေး လုပ်ငန်းစဉ်တွေကြောင့် နိုင်ငံဝန်ထမ်းတွေ   အရမ်းပင်ပန်း နေပြီ” ဆိုတဲ့ ဆောင်းပါးတပုဒ်အပေါ် သုံးသပ်ချက်ပေးမှာ ဖြစ်ပါတယ်။

၁။  နိုင်ငံတွင်းမှာ သေချာလေ့ကျင့်ထားတဲ့ ၀န်ထမ်းအင်အား နည်းပါးနေတာကတော့ အမှန်ပဲဖြစ်ပါတယ်။ အခုအခါ ပြုပြင်ပြောင်းလဲရေးလုပ်ငန်းစဉ်တွေကြောင့် နေ့မနားညမအား အစည်းအဝေးတွေ ရုံးလုပ်ငန်းတွေ ရုံးချိန်ပြင်ပနဲ့ ရုံးပိတ်ရက်များပါလုပ်ဆောင်နေရတဲ့အတွက် ( burn-out ) အခြေအနေတရပ်ကို ဦးတည်နေတယ်လိုဲ့ သံတမန်နဲ့ ၀န်ထမ်းလောကမှာ ပြောဆိုနေကြပါတယ်။

၂။  ပြုပြင်ရေးလုပ်ဆောင်နေတဲ့ အစိုးရအနေနဲ့  အခြေအနေနှစ်မျိူးကို ရွေးချယ်နိုင်ပါတယ်။  (က) ၀န်ထမ်းတွေရဲ့  ဖိစီးမှုကိုတောင့်ခံရင်း ရှေ့ကိုရဲရဲဆက်တိုးလုပ်ကိုင်သွားမယ်။ တချို့အလုပ်တွေ မသေမသပ် မပြီးမစီးဖြစ်သွားနိုင်တယ်။ ပြုပြင်ရေးလုပ်ငန်းတွေ ကျဆုံးတဲ့အခါ ပြုပြင်သူတွေအတွက် မျက်နှာပျက်သိက္ခာကျစရာဖြစ်လာပြီး သူတို့ကိုယ်တိုင် သဘောထားတင်းမာသူတွေအဖြစ် ပြန်လည် ကူးပြောင်းသွားမယ်။  (ခ) အင်အားကို ထောက်ဆပြီး ပြုပြင်ရေးအလုပ်တွေကို အရှိန်လျော့ချတဲ့အခါ တချိူ့အရေးကြီးလုပ်ငန်းတွေ ပြီးဆုံးအောင် ဆောင်ရွက်နိုင်တော့မှာ မဟုတ်ဘူး။  အထက်ပါ အခြေအနေနှစ်ရပ်လုံးက ဆုံးရှုံးနစ်နာစေတာချည်းပါဘဲ။

၃။  အထက်ပါယူဆချက်ဟာ အကြောင်းခံနှစ်မျိူးပေါ်မှာ အခြေခံပြီးတွက်ဆထားတာဖြစ်တယ်။ (က) ၀န်ထမ်းတွေရဲ့ လက်ရှိစွမ်းရည်ဟာ ပုံသေဖြစ်တယ်   (ခ) အဲဒီစွမ်းရည်တွေကို အပြိုင်အဆိုင် ဖြစ်နေသော ပြုပြင်ရေးလုပ်ငန်းအသီးသီးရဲ့ လိုအပ်ချက်များအတွက် မျှဝေသုံးစွဲရတဲ့အတွက် ဆွဲဆန့်လိုက်တဲ့အခါ ခါးရိုးပြတ်သွားနိုင်တယ် - တို့ပါပဲ။

၎။  အထက်ပါအချက်များအတွက် ပြန်လည်ဖြေရှင်းချင်တာကတော့ - (က) ၀န်ထမ်းတွေရဲ့ အုပ်ချူပ်စီမံစွမ်းရည်ကို တိုးမြှင့်နိုင်တယ် ( နောက်ပိုင်းမှာ အသေးစိတ်ထပ်ရှင်းပါမယ်)  (ခ) ပြုပြင်ရေးလုပ်ငန်းတွေဟာ အပြိုင်အဆိုင်သဘော ( competing) )ထက် တခုနဲ့တခုအဖြည့်ခံသဘော (complimentary) ဖြစ်နေကြတယ်။ လုပ်ငန်းတွေကို တခုချင်းစီ သီးသန့်လုပ်နေတာထက် ခြုံငုံစဉ်းစား လုပ်ဆောင်နိုင်ပါတယ်။ ဥပမာ - တရားဥပဒေနဲ့ စည်းကမ်းထိမ်းသိမ်းမှုကို ပြုပြင်ဆောင်ရွက်ခြင်းဟာ စီးပွားရေးဖွံ့ဖြိုးမှုအတွက် အထောက်အကူပြုနေတယ်။ နောက်တခါ ဆန်စပါးထုတ်လုပ်ဖို့ လယ်သမားတွေကို မက်လုံးပေးပြီး၊ ထွက်ကုန်တွေအပေါ် ဈေးကွက်ချဲ့ထွင်သလို တဖက်မှာလည်း  ဆန်စပါးတင်ပို့မှုလိုင်စင်ကိစ္စတွေကို ပြန်လည်သုံးသပ်မှုတွေ လိုအပ်နေတယ်။  တခုခုကို အချိန်ဆွဲပြီး ဆောင်ရွက်မယ်ဆိုရင် သူနဲ့ ဆက်စပ်နေတဲ့ တခြား ပြုပြင်ရေးလုပ်ငန်းတွေကို ထိခိုက်နစ်နာစေလိမ့်မယ်။

၅။ ပြုပြင်ပြောင်းလဲရေးရဲ့ အကျိူးဆက်အနေနဲ့  ပျက်စီးဆုံးရှူံးရတဲ့အခြေအနေနှစ်မျိူးရှိပါတယ်။

၆။  ပထမအခြေအနေကတော့  မြန်မာနိုင်ငံလွပ်လပ်ရေးရခါစက ဈေးကွက်ပြိုင်ဆိုင်မှုရှိသော ကိုလိုနီစီးပွားရေးစံနစ်ရဲ့ ပုဂ္ဂလိကလုပ်ငန်းတွေကို ရုပ်သိမ်းပြီး အစိုးရက ဗဟိုချူပ်ကိုင်တဲ့ သွင်းကုန်အစားထိုးစံနစ် ကျင့်သုံးစဉ်အခါက ဖြစ်ပါတယ်။  အဲဒီတုံးက အုပ်ချူပ်စီမံစွမ်းရည်ကို အလွန်အမင်း ဆန့်ထုတ်သုံးစွဲခဲ့ရသလို ရေရှည်မှာ အရာရာဟာ ကျိူးပြတ်ဆုံးရှူံးခဲ့ရတယ်။

၇။  ဒုတိယအခြေအနေတရပ်ဖြစ်တဲ့ လက်ရှိအခါမှာ ပြုပြင်ရေးတရပ်အနေနဲ့ နိုင်ငံပိုင်လုပ်ငန်းတချိူ့ကို ဖြေလျှော့ပေးခြင်းအားဖြင့် အုပ်ချူပ်ရေး လိုအပ်ချက်တွေ နည်းပါးသွားစေပါတယ်။  သို့သော် ပြည်ပရင်းနှီးမြှုပ်နှံမှု လုပ်ငန်းစဉ်များနှင့် စီးပွားရေးမူဝါဒ ချမှတ်ရေးလုပ်ငန်းများအတွက်  အုပ်ချူပ်စီမံလုပ်ငန်းလိုအပ်ချက်တွေ ပိုများလာမှာကတော့ အမှန်ဘဲဖြစ်ပါတယ်။  သို့သော် ယင်းလိုအပ်ချက်များဟာ အပြောင်းအလဲ လုပ်ငန်းစဉ်အစပိုင်းမှာသာ ယာယီလိုအပ်တာဖြစ်ပြီး နေသားတကျဖြစ်သွားတာနဲ့ ပြန်လည် ပြေလျော့သွားနိုင်ပါတယ်။  နောက်တချက်က ယင်းအုပ်ချူပ်ရေးစီမံခန့်ခွဲမှုစွမ်းရည်များကို ပြင်ပက အတတ်ပညာ အကူအညီနဲ့ မြှင့်တင်ပေးလို့ရပါတယ်။

၈။  ပုဂ္ဂိုလ်ရေးအတွေ့အကြုံအရ အချိန်ပိုင်းစီးပွားရေးအကြံပေးအဖြစ် ဦးနုအစိုးရကို ကူညီခဲ့စဉ်က ၀န်ထမ်းများအလားတူ ပင်ပန်းခဲ့ကြပါတယ်။  ဗိုလ်ချူပ်နေ၀င်း အာဏာယူပြီး မကြာခင်မှာဘဲ  လူတော်ထက် လူကောင်းကို ဦးစားပေးရမယ်ဆိုကာ အစိုးရအပေါ် လိုလားသူများကို နေရာပေးခဲ့ပါတယ်။  တက္ကသိုလ်များမှာ အင်္ဂလိပ်စာနှင့် သင်ကြားခြင်းမပြုတော့ဘဲ  ကျောင်းသားအရေအတွက်ကို မတန်တဆ တိုးချဲ့ခဲ့ပါတယ်။  ရာနှင့်ချီသော အမေရိကန်ပညာတော်သင်များကို ဖို့ဒ်နဲ့ အာရှဖောင်ဒေးရှင်းမှ စေလွှတ်ပေးနေတဲ့ အကူအညီများကို ရပ်စဲပစ်ခဲ့ပါတယ်။ အင်္ဂလိပ်နှင့် အမေရိကန်များ ကိုယ်တိုင်သင်ကြားပေးနေတဲ့ အင်္ဂလိပ်စာသင်တန်းများကို ရပ်စဲပစ်ခဲ့ပါတယ်။ 

၉။ လက်ရှိအခြေအနေမှာတော့ အရှေ့တောင်အာရှက သံအမတ်တဦးပြောသလို  မြန်မာနိုင်ငံဟာ စာရင်းကိုင်တွေ၊ ဘဏ်လုပ်ငန်းကျွမ်းကျင်သူတွေနဲ့ နည်းပညာသမားတွေ လေ့ကျင့်သင်ကြား ပေးဖို့လိုနေပါပြီ။ ဒီအချက်ကို သမ္မတဦးသိန်းစိန် ရဲ့ စင်္ကာပူခရီးစဉ်မှာရော စက်မှုဝန်ကြီး ဦးစိုးသိန်းရဲ့ ဒါဗို့စ် စီးပွားရေးညီလာခံမှာရော ထောက်ခံပြောဆိုထားပါတယ်။  

၁၀။ အချူပ်ပြောရရင် (က) တိုင်းပြည်ရဲ့ လက်ရှိ ဌာနဆိုင်ရာအုပ်ချူပ်စီမံစွမ်းရည်ကို တိုးတက်သောအနောက်နိုင်ငံများသာမက အလျင်အမြန်ဖွံ့ဖြိုးလျက်ရှိသော အရှေ့တောင်အာရှနိုင်ငံများမှ  အတတ်ပညာနည်းပညာအကူအညီဖြင့် တိုးတက်အောင် ဆောင်ရွက်စေလိုပါတယ်။  (ခ)လက်ရှိစွမ်းရည်ကို စီးပွားရေးနိုင်ငံရေးနယ်ပယ်မှာ အပြိုင်အဆိုင်ခွဲဝေသုံးစွဲမဲ့အစား အပြန်အလှန် ဖြည့်ဆည်း မျှဝေ သုံးစွဲစေလိုပါတယ်။ (ဂ) လွပ်လပ်သောစီးပွားရေးစံနစ်ကိုဖေါ်ဆောင်ပြောင်းလဲမှုတွင် ကြုံရသည့် အုပ်ချူပ်စီမံမှု လိုအပ်ချက် များသည် ယာယီသဘောဆောင်ပြီး   လက်ရှိအကြပ်အတည်းများမှာ စပ်ကူးမတ်ကူးကာလအလွန်တွင် ပြေလျော့သွားပါမည်။

၁၁။  စီမံအုပ်ချူပ်စွမ်းရည်တိုးမြှင့်ရန်မှာ လိုအပ်ချက်အရ အလျှင်အမြန်ဆောင်ရွက်ရမည်သာ ဖြစ်ပါသည်။  ဒီနေရာတွင် ဒေါ်အောင်ဆန်းစုကြည် ပြောကြားခဲ့သော စကားတခွန်းကို သဘောတူစွာ ရည်ညွှန်းလိုပါသည်။  ယင်းမှာ “ ဥပဒေပိုင်းဆိုင်ရာ ပြောင်းလဲမှုမပြုဘဲ စီးပွားရေးပြုပြင်ပြောင်းလဲမှုကို စစ်မှန်စွာ မဖေါ်ဆောင်နိုင်ပါ။  ရင်းနှီးမြှုပ်နှံမှုဥပဒေကောင်းများရှိရုံနှင့်မလုံလောက်ဘဲ ယင်းဥပဒေများကို လေးစားလိုက်နာမှုရှိမရှိ  စိစစ်နိုင်သည် ဥပဒေစံနစ်ကောင်းတရပ်လည်း ရှိဖို့လိုပါသည်။  စီးပွားရေးလုပ်ငန်းရှင်များအနေနှင့် မိမိကောင်းကျိူးသာမက တိုင်းပြည်ကောင်းကျိူးအတွက်ပါ အနည်းငယ်စောင့်ကြည့်ကြဖို့ လိုပါသည်...”  ဟူ၍ ဖြစ်ပါသည်။

ဆွေးနွေးချက်တွေကို စိတ်ဝင်စားလွန်းလို့ ဗိုက်ဆာဖို့ သတိမရဘဲ ရင်တလှပ်လှပ်ဖြစ်နေပါတယ်။  ဟောပြောသူသုံးဦးလုံးနှင့် မော်ဒရေတာ ဦးမြင့်ကို မေးခွန်းမေးလိုသူတွေ များလှပေမဲ့ အချိန်ကန့်သတ်ချက်အရ လေး-ငါးခုသာ မေးစေပြီး ဖြေကြားပေးခဲ့ပါတယ်။  ဟောပြောပွဲတလျှောက်မှာ ဟိုကသည်က ဖုန်းတွေလာနေတာကတော့ စိတ်အနှောင့်အယှက် ဖြစ်စရာပါဘဲ။  နောင်လုပ်မည့်ဟောပြောပွဲတွေမှာ ဖုန်းတွေ အသံပိတ်ထားဖို့ ကြေငြာပေးရင် ကောင်းမှာဘဲလို့ တွေးနေမိပါတယ်။

ဟောပြောပွဲက မွန်းလွဲ ၂နာရီမှာမှ ပြီးစီးသွားပါတယ်။   အပြင်မှာ တိုက်နေတဲ့  ကော်ဖီတခွက်ကို  သောက်ပြီးမှ ၀မ်းမီးကို အပြီးသတ်ငြှိမ်းဖို့ အိမ်ကို အပြေးအလွှား ပြန်ခဲ့ရပါတယ်ရှင်။

မိုးစက်ပွင့်

( မှတ်မိသမျှနှင့် ဖြန့်ဝေသော စာရွက်စာတမ်းများကို အကိုးအကားပြု၍ ပြန်လည်ဖေါ်ပြပါသည်။  အချိန်မရသူများအတွက် လေ့လာနိုင်အောင် လုံးစေ့ပတ်စေ့မဟုတ်ဘဲ အကျဉ်းချူပ်ရေးသားခြင်းဖြစ်သည်။ မရှင်းလင်းမှု၊ အဓိပ္မါယ်လွဲမှားချွတ်ချော်ခဲ့ပါက ကျွန်မ၏  လိုအပ်ချက်ကြောင့်သာ ဖြစ်ပါသည်။ )